Bizitza goxatzeko % 100 mila lore eztia eta askoz gehiago...

Zer da mellifera?

Mellifera 2019an sortutako proiektu ttiki bat da. Larraulen kokatzen da. Erlezaintza jasangarria oinarri hartuta, bertako Erle Beltzarekin kalitatezko produktu ekologikoak ekoizteaz gain, bertako biodibertsitatean ekarpena egiteko asmoa duena, hain zuzen ere.

Bizitza oinarri hartuz, ekosistemen zaintza eta pertsonak erdigunean jartzea ditu helburu. Ingurumenean dugun eragina kontuan hartuz, erlezaintza ekologikoa lantzen daramatzagu azken urteak. Produktuen dibertsifikazioan eta ingurumen hezkuntzan proiektu ezberdinak lantzen ditugu. Erleek osatzen duten mundu liluragarrian murgiltzeko aukera dugu Larraulen ditugun erlatokietan. Bertako loraldi anitzei esker eta gure Erle Beltzarekin, kalitatezko produktuak gizartearentzako ekoizteaz gain, gure erronketako bat landa eremuan agroekologiaren oinarrietan landutako proiektua garatzea da.

Bizitza erdigunean jarriz, bizi garen ingurune eta pertsonekiko errespetuzko aktibitatea da mellifera proiektua.

Zer eskaintzen dugu?

Oso argi genuen kalitatezko ekoizpen ekologikoa egin nahi genuela.
Lore hautsa izaten da urteko lehen produktu magikoa. Ondoren, mila lore eztia eta udazkenerako propolia izaten ditugu eskuragarri, baita argizari ekologikoa ere.
Inguruko loraldiak anitzak dira eta urte guztian zehar ematen dira: Hasi Sanjoan loreetatik otsailean, akazia, gaztainondoa eta huntza loratzeraino, irailean. 

Produktuak

Ingurumen-hezkuntza

Gure ingurumen-hezkuntzako tailerretan, erleek duten garrantzia transmititzen dugu, erleen lana, ekosistemaren oreka eta biodibertsitatea balioan jartzen ditugu. Tailer dinamiko horiek haurrek natura ulertzeko eta zaintzeko lehen urratsak emateko diseinatuak daude.

Dinamiken eta jolas kooperatiboen bidez, erlauntzako dinamikan murgiltzeko aukera dute, erleen bizimodua eta eginkizunak azaltzen dira, biodibertsitatea zaintzeko ekimenak egiten dira, hazi bobak edota intsektuen etxeak eginez, adibidez…

Tailerrak taldeentzat

Tailer hauek 4-12 urte bitarteko umeentzat diseinatuta daude, jarduerak adinaren arabera egokituta. Material bisualak eta esperientzia praktikoak dira ardatz nagusiak.

Helburu nagusiak

  • Naturarekiko jakin-mina piztea eta ingurumenarekiko ardura garatzea.
  • Biodibertsitatea eta polinizazioaren garrantzia ulertaraztea.
  • Erleen eta landareen arteko harremanari balioa ematea.
  • Umeen artean zaintza, pazientzia eta lankidetza sustatzea.
Aurrekontua eskatu

Bisita gidatuak

Gertutik erlezaintza ezagutzeko aukera eduki nahi duzu?

Talde, enpresa zein familiei zuzendutako bisitak antolatzen dira udaberri-uda sasoian.

Esperientzia ahaztezina da, erleen mundua ezagutzeko bi orduko bisita honetan, erlezaintzaren inguruko sekretuak ezagutzeko aukera eskaintzen dugu. Erlearen mundua ulertu, baita erlauntzak irekitzeko aukera ere eskainiz, eguraldiak lagunduz gero. Baita ezti dastaketa eta inguruaz gozatzeko aukera paregabea ere.

Jar zaitez gurekin harremanetan bisita gidatua egin nahi baduzu!

Erreserba burutu

Gure erlauntzak babestu

Gure erlauntza batek zuek emandako izena izango du!

Urteko uztako eztia zein diploma ere jasoko dituzue!

Ekarpena egin

Sarea

Erlezainon lana lan gogorra izaten da erlategian. Honenbestez, gure arteko sare sendo bat izatea garrantzitsua da gure artean laguntzeko.

Gipuzkoako Erlezainen Erlarteko kide naiz.
erleakgipuzkoa.eus

Baita irabazi asmorik gabeko erlezaintza jasangarria oinarritzat duen ECOCOLMENA elkarteko kide ere.
ecocolmena.org

Non gaude

Beobide buru, 6. 20159 Larraul, (Gipuzkoa) Euskal Herria

Kontaktua

(+34) 659 619 095 | arrateiturbe@gmail.com

Jarraitu
Instagram

Diseinua eta garapena: TaPuntu
Argazkiak: Ibon Azpilikueta. Bideoa: Nestor Urbieta Goenaga, Julieta Juncadella

Scroll to Top

Mila lore eztia

Eskaera egin

Aiztondo Bailarako mila loreetatik gure erle beltzek (Apis mellifera iberiensis) nektarra  biltzen dute, euren sabelean gorde eta erlauntzan prozesatzen dute, entzimen eta baporazioaren bidez ezti bihurtuz: Horren  emaitza da Mellifera eztia.

Anbar kolorekoa, urtearen eta loraldien arabera. Ezti argiak akazia loreetatik datoz normalean; ilunagoak, berriz, gaztainondotik. Usain gozoa eta loretsua, lore jatorria islatzen duena. Zapore freskoa eta leuna, batzuetan ukitu fritudunak izan ditzake, ezki edota mentarengatik. Urtero ñabardura desberdinak eskaintzen ditu naturak.  Ezti jariakorra, denborarekin kristaliza daiteke (prozesu natural bat da). Kristalizazioaren abiadura azukre motaren (glukosa/fruktosa) araberakoa izaten da.

Propietateak:

  • Antibakteriano eta antiseptiko naturala.
  • Energia iturri azkarra (karbohidratoen ondorioz).
  • Arnasketako gaitzetarako lagungarria (adibidez, eztula, eztarriko mina).
  • Zahartzearen aurkako eta zauriak sendatzeko propietateak ere aitortu zaizkio.

Erabilerak: Gosaritan, infusioetan, postreetan, kosmetikan edo ukendu naturaltzat, erraz isurtzen da ogi gainean, edari beroetan disolbatzen da eta sukaldaritzan moldakorra da.

Propolia

Eskaera egin

Erleek landareen hosto-begietatik biltzen duten eta bere jariapenez aberasten duten gai erretxinatsua da. Makala, haltza, lizar, sahats, gaztainondo, lahar, pinu, izei eta urkitik jasotzen dute, besteak beste. 

Propietateak: 

Osasunarentzat naturako orbaintzaile ezagun onena da. Ehunen berreraikuntza suspertzen du, mikrobioen kontrako propietateak ditu, hala nola antioxidatzaileak, antigorputzen osaera areagotzen du eta baliagarria da hanturen, birusen eta ultzeren kontra. Propoliak fagozitoen (organismoaren defentsa zelulak) aktibitatea indartzen du. Ahoko zenbait eritasunetan oso baliagarria: hortzetako zorna-zorrotan, gingibitis, afta edo eztarriko min kasuetan. Antibiotiko natural ezagun onena da eztarrirako.

Kontsumitzeko modua:

Mellifera propolia, % 5eko konzentraziokoa izanik, har dezakegun gehienezko dosia: 2 mg/kiloko da. Hau da pertsona helduetan  90-100 tanta egunean goiz, arratsalde eta iluntzean banatua). Laranja-limoi zukuarekin, infusio edo urarekin nahastuta hobe, ezti goilarakada batekin gozoagoa izango da!

ERNE! Propoli tinturak alergia sor dezake. Horregatik, kantitate txikitan hartzen hastea gomendatzen da.

Lore hautsa

Eskaera egin

Polena edo Lore hautsa janari osoa da, gorputzak behar dituen elementu guztiak ditu. Elikagai gabezia dagoen kasuetan edo elikagai eskari handia dagoen kasuetan (haurdunaldi, edoskitze, kirolari) oso gomendagarria.

Propietateak:

Mineraletan aberatsa dugu, Fe eta Ca organiko asko du. Gomendatua anemia kasuetan. Hezurretarako, selenioa eta magnesioa oligoelementu garrantzitsuak dira eta horien iturri da.Polena bizkortzailea eta estimulatzailea da. Errendimendu fisiko edo psikikoa hobetzen laguntzen du. Egokia azterketa garaian. Estres, depresio, memoriako alterazio eta insomnio kasuetan. Triptofanoaren eraginez, optimismoa eta ondo egotearen sentsazioa sortzen ditu. .Menopausian: polenaren osagai batzuek (flabonak eta fitosterolak) estrogeno falta konpentsatzen dute. Hesteetarako oso mesedegarria, koloneko flora orekatzen laguntzen du, Fitoesterolak ditu: kolesterolaren metabolismoan oso lagungarriak. Diabetikoentzat ere oso egokia.

Nola kontsumitzen da?

Lore Hauts edo Polen freskoA disolbatuta hartu behar da beti; uretan, eztitan, zukuetan… Goizean baraurik hartzea gomendatzen da, 2 goilarakadatxo polen (20-30 gr.). 

ERNE! Bolada batean hartzen egon ondoren, deskantsuak egin. Molestiak sor ditzake hasieran. Kantitate txikitan hasi hartzen, eta pixkanaka kantitatea igotzen joan.Erleen pozoiari alergia diotenek printzipioz ez hartzea aholkatzen da.

Produktuen eskaera